منتدى وادي العرب الجزائري
"توكل على الله و سجل معنا"

احلام طالب

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

احلام طالب

مُساهمة من طرف ملاك النجوم في 12.04.12 18:02

قصيدة
اليوم حول طالب في القسم النهائي كان يحلم أنو لما يتحصل على البكالوريا
تفتح له الآفاق واسعا لكن ما وجد في الجامعة يا ترى؟ تابعوا معنا في
القصيدة






[center]بَسـْمْ الله مُــولْ المَـنَّـة ***وَالصْلاَة عْلَى صَاحَبْ السُّنَـة *** مُحَمَّـْد بْـذَكْـرُو نَتْهَـنـَّى
جَابَلْنَـا الرِسَالـَة وَالـدِّيـن

كُنْتْ إنْسَانْ عَنـْدِي طُمـُوحْ *** شْحَالْ كْبِيرْ وْمَفْتـُوحْ *** نْحَبْ دِيمَـا نَبْلـُغْ الصُّـرُوحْ
ونـْكـُـونْ مالـبَـارِزيـن

وْعْلِـيـه
دَرْتْ فَالـخُـطَّـة *** نْوَّلـِي قِيـَادَة كَـادْرْ دِيطَـا ***وِيــذَا رَبــِّي زَادْ عـْطَـا
نَتْرَشَّحْ رَئِيـسْ للجَزَائِرِيِيـن

وْجَـاوْ هَـذُوكْ الرَّبـْعْ ايّـَامْ *** وْخـُوكُـم زَيّـَـرْ لـَحـْزَامْ *** بَـدَّلـْتْ كــُلْ السِّيسْـتَـامْ
لِيلِـي وَنْهَـارِي مَتْمَاثْلِـيـنْ

ظَهْرَتْ النَّتِيجَة وْخْرَجْ اسْمِي *** وَالفَرْحَة دَوَّاتْ فِي جَسْمـِي *** الـدَّارْ ذَبْحُـولِـي عَجـْمـِي
وْكَانـُوا بِــيَّا فَرْحَانِـيـن

وْأَولْ
شـِي فـِي عَقْلِيـْتِـي *** شُوقْ كْبِيـرْ لِلُونِيفَارْسِيتـِي ***اللِّي عَقْبـُو عْلِيهَـا خَاوْتـِي
وْكَانُـو مَنْهـَا مَتْخَرْجِـيـنْ


وَالنْهَارْاللَّوَلْ نْتَاعْ التَّسْجِيلاَتْ *** الغَاشِي تْقُولْ الأُمَّة كَامَل جَاتْ *** وَالسْخَانَة تْرُونْتْ سَاتْ (37)
وَحْنـَا فَالشَّمـْسْ مْقَابْلـِيـنْ


خَيَّرْتْ فَرْعْ العُلُومْ السِّياسِيـَّة *** بَاشْ يَخْدَمْلـِي ذِيـكْ الغَايـَة *** اللِّي ذْكَرْتْهَا قْبِيـلْ فَالبِدَايـَة
يَاخـِي رَاكُـم مَتْفَكْرِيـنْ؟؟؟




بْدَاتْ الـدُّرُوسْ يـَا سِيـدِي *** وْقُلْتْ نْخَرَّجْ كُلْ مَـا عَنـْدِي *** مـَنْ طَاقـَة لَكـِّن يَـا وَدِّي
الإمْكَانـَاتْ كَانُـو غَايْبِيـن


كـِي تَدْخُـلْ لـْذَاكْ المُـدَرَّجْ *** نُصْ يَقْرَا وَالبَاقِـي يَتْفـَرَّجْ *** قَالُولْنَا اصْبرُوا رَاهْ رَبِّي يْفَرَّجْ
والكْرَاسَـى يْكُونُـو كَافْيِيـن


الشَمْبْرَا نْتَاعْ زُوجْ فِيهَا رَبْعَة *** وَالرِّيسْتو أَنْتَارْدِي الشَّبْعَـة *** وْ مُظَاهَرَاتْ فَالجَامِعَة
بـَالـظُـرُوفْ مْـنَـدْدِيـنْ

وِيذَا رْكَبْتْ فِي ذَاكْ الكُـوسْ *** تْقـُولْ كْرِيمِينـَالْ مَحْبـُوسْ *** عَالكـَرَامَـة غِـيـرْ دُوسْ
وْمَـا تْكـُونْ مَالطَّمَاعـِيـن

وْبــَـالاَكْ الـغِـيـَابـَاتْ *** خُصُوصًـا فَالتِّيدِييـات (td) *** وْيَاوِيحْ اللِّي بْقَاوْلُو لِي دَاتْ
يْتَبْعُوهْ حَتَّى عَشْـرْ سْنِيـنْ





هْنـَا عـَاوَدْتْ شَفْـتْ لْحَالِـي *** وْقُلـتْ عِـيـشْ يَالـزَّوَالِـي ***القَنَاعَة الكَنْزْ اللِّي مَـا يَفْنَالِـي
وَالشِي صْعِيـبْ يَـا سَامْعِيـنْ


لَكِنْ مَاعْلِيـشْ طْرِيـقْ المَجْـدْ *** أََوْلُـو دِيمَـا صَبْـرْ وْجَـلَـدْ *** مـَـا نَغْـتَـمْ مــَا نَتْنـَهَّـدْ
نْـكـُـونْ مَالإيجـَابِـيـِيـنْ


وْهَـذِي سُـنَّـة رَبّْ العِـبَـادْ *** مَاشـِي قـَالْ مُولُـود حَـدَّاد *** الدَّنيا تَعَب وْتَضْحِيـَّة وْجِهـَادْ
النَّفْسْ هْنَا وْكَايَن جِهَاد فْفَلَسْطِين


وْبَالمُنـَاسَـبَـة رَحْ نَغْـتَـنَـم *** هَـاذْ الفُرْصَـة بـَاش نَتْرَحَـمْ *** عَالشِّيخ يَسِين وْكُلْ مـَنْ قـَدَّمْ
حْيَاتُـو فـِدَاء لْهـَاذْ الـدِّيـن


هَـذَاكْ هُـوَ خِيـر الأَمْثِـلَـة *** اللـِّي تْحَبَسْـلَـكْ المُخَيَّـلـَة ***رَجُـلْ قَعِيـدْ قَـادْ مَرْحَـلَـة
دْيـَال الـدِّفـَاع والتَّمْكِـيـنْ


قَالْ مَالاَزَمْشْ يَتْحَوَّلْ المَسَـارْ *** إمَّـا شـَهَـادَة أوْانْتِـصَـار *** القَضَِّة مَاهِيشْ فِي مُجَرَّدْ أشْبَارْ
يْقِيـسُـوهَـا الجُغْرَافـِيـيـن


القَضٍيـَّة قضِـيـة صُـمُـود *** فـِي وَجـْه الظَلَمَـة اليَهُـود *** مَا رَايْحِينْش نَغَلْبُوهُم إذَا الجُهُود
تْفَرْقَـت وْكُـنـَّا مَتْنَازْعِـيـن

وَحـْنَـا يَلْزَمْـنَـا الـوَفـَـاء *** لـْهَـاذ الـنـَّاسْ الأتْـقِـيـَاء *** وَرَثـَـــة الأنْـبـِـيـَـاء
للهَمْ نـْكُـونُـوا حَامْـلِـيـن




الأم اللـِّي تْرَضَّـع *** الشِبْل اللـِّي يَطْلـَع *** فـِي قَلْبـُو تَطْـبـَع
أفكَار أحْمد ياسِيـن
التلميذ اللِّـي يَقـْرا *** لازم يْحَقَّق النُّصْـرة ***بَالفِعْلْ مُو بَالهـَدْرَة
لأفكار أحمد ياسيـن
المُعلَّم اللي يْـدَرَّّس *** يْوَاصَل مَـا يْحَبـَّس ***حَتَّى فَالنَشْء يَتْنَغْرَس
أفكار أحمد ياسيـن
الطالـب فَالجَامِعَـة *** وَاجَب عْلِيه يَسْعَـى *** بَاش النَّاس تَتْوَعـَّى
بأفكار أحمد ياسيـن
الشَاعر اللِّي يَشْعَـر *** لازم يَدْفَـع وَيْؤَثـَّر *** فَالجُمْهُور الحَاضَـر
بأفكار أحمد ياسيـن


فَالأخيـر كَلمْـة نْقُولـْهَـا *** فلسطيـن يَارَبـِّي احْفَظْهَـا *** بَرْعَايْتَـكْ وَحْنَـا فـْدَاهَـا
وْمَانـَاشْ فِيهَـا مْفَرْطِيـن
بَصَّحْ اسَمْعُوني يَانَاسْ لَمْلاَحْ *** اللِّي خَانْ حَيِّ عَلىَ الفـَلاَحْ ***يْخُونْ حَيِّ عَلـَى الكِفـَاح
وَالصَّـلاة عَمُـود الـدِّيـن
avatar
ملاك النجوم



رقم العضوية : 29650
انثى
العُــمـــْـــــر : 18
البلد/ المدينة : الجزائر-غليزان.جديوية
العَمَــــــــــلْ : تلميذة 4متوسط
الدولة :
الهِوَايَـــــاتْ :
المُسَــاهَمَـاتْ : 1311
نقاط التميز : 1569
شكر خاص : 70
التَـــسْجِيلْ : 12/12/2011

الرجوع الى أعلى الصفحة اذهب الى الأسفل

رد: احلام طالب

مُساهمة من طرف halouma22 في 12.04.12 18:26

قصيدة معبرة . اعجبتني . مشكورة يا زهرة النجم

halouma22



رقم العضوية : 28717
انثى
العُــمـــْـــــر : 42
البلد/ المدينة : بسكرة- الجزائر
الدولة :
الهِوَايَـــــاتْ :
المُسَــاهَمَـاتْ : 702
نقاط التميز : 763
شكر خاص : 15
التَـــسْجِيلْ : 29/11/2011

الرجوع الى أعلى الصفحة اذهب الى الأسفل

رد: احلام طالب

مُساهمة من طرف nadia tiaret في 12.04.12 19:36

مشكورة اختي

nadia tiaret



العُــمـــْـــــر : 38
البلد/ المدينة : tiaret
المُسَــاهَمَـاتْ : 854
نقاط التميز : 754
شكر خاص : 31
التَـــسْجِيلْ : 04/04/2012

الرجوع الى أعلى الصفحة اذهب الى الأسفل

رد: احلام طالب

مُساهمة من طرف عائشة-محمد في 12.04.12 20:15

اللهم فتح ابواب الخير لجميع مسلمين


عدل سابقا من قبل aichamohamed في 16.04.12 20:04 عدل 1 مرات
avatar
عائشة-محمد



رقم العضوية : 37614
انثى
الدولة :
الهِوَايَـــــاتْ :
المُسَــاهَمَـاتْ : 5951
نقاط التميز : 5376
شكر خاص : 223
التَـــسْجِيلْ : 06/03/2012

الرجوع الى أعلى الصفحة اذهب الى الأسفل

رد: احلام طالب

مُساهمة من طرف أحمد بوبيدي في 16.04.12 11:21

لكن رغم كلّ ما يواجه الطّالب من إحباطات وعراقيل
عليه بالصّمود و الكِفاح، لنيلِ النّجاح

بوركت يا أختي

أحمد بوبيدي



رقم العضوية : 38633
ذكر
العُــمـــْـــــر : 24
البلد/ المدينة : اولاد حملة
الدولة :
الهِوَايَـــــاتْ :
المُسَــاهَمَـاتْ : 7513
نقاط التميز : 9326
شكر خاص : 260
التَـــسْجِيلْ : 18/03/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى